ตลกอกหัก - ปอยฝ้าย มาลัยพร

..จังแมนม่วนน้อสู
ฮู้บ่ว่าข่อยสิตาย
มาม่วนเอาฮ้าย
ยามข่อยออกหน้าเวที
ฮู้บ่พวกเจ้า
ผู้สาวของข่อยเขาหนี
ย่อนว่ามาเฮ็ดจังซี้
เขาเลยกล่าวคำอำลา
..ตลกฮ่องไห้
ในใจบ่มีไผเห็น
กล้ำกลืนฝืนเล่น
ให้คนสรวลเสเฮฮา
แต่คนฮักข่อย
เขาซังเขาป้อยเขาด่า
มีแฟนกะคือผีบ้า
เธอรับสภาพบ่ไหว
..น้ำตาตลก
ไหลตกใส่ไมโครโฟน
พออยากสิโตน
เวทีให้คอหักตาย
หัวเต๋อหัวเติ้น
แท้น้อผู้เพิ่นทั้งหลาย
ฮู้บ่ว่าข่อยสิตาย
หัวใจสลายแล้วหนอ
..ตลกอกหัก
คนฮักสบัดหน้าหนี
เก่งบนเวที
เฮ็ดหยังมีคนหัวร่อ
แต่ชีวิตจริง
ความฮักถูกทิ้งลงท่อ
จบการแสดงแล้วหนอ
ขอลงไปนั่งฮ่องไห่..

..ตลกอกหัก
คนฮักสบัดหน้าหนี
เก่งบนเวที
เฮ็ดหยังมีคนหัวร่อ
แต่ชีวิตจริง
ความฮักถูกทิ้งลงท่อ
จบการแสดงแล้วหนอ
ขอลงไปนั่งฮ่องไห่..