กระท่อมทำใจ, มอเตอร์ไซค์ล้อเหี้ยน - ศร สินชัย

กระท่อมทำใจ - ศร สินชัย .. ..กระท่อมมุงฟาง กลางทุ่งนาขี้กระต่าย คือหม่องพักใจชาย คนฮักพ่ายจากใจสาว หลบมานอนหลี้ ตั้งแต่วันที่อ้ายฮู้ข่าว ว่าสิมีผู้บ่าว มาขอเจ้าไปแต่งดอง ..อยากอายคนมอง แพ้ค่าดองจนหน้าจ๋อย ฮักถืกเขาแย่งไปจ้อย คนเงินน้อยได้แค่มอง อยู่บ้านบ่ได้ ย้านคนเว้าใส่ มื้อกินดอง หลบเลียแผลใจเจ้าของ ในกระท่อมเดียวดาย ..น้ำตาอ้ายย้อย คึดฮอดฮอยความหลัง ฮักอ้ายเฝ้าถืกเขาพัง สิ้นหนทางแก้ไข เอาไม้แป้นปีก เขียนด้วยก้อนขี้ถ่านไฟ ว่ากระท่อมทำใจ ติดเป็นป้ายให้คนอ่าน ..เข้าบ้านบ่ได้ นอนเลี้ยงไก่อยู่ทุ่งนา มื้อวันน้องวิวาห์ ฝากไข่ไก่มาเข้าพาขวัญ จากวันนี้อ้าย สิขอเฮ็ดใจให้เป็นทาน เอาเสียงนกกา ปลอบขวัญ อยู่ในกระท่อมทำใจ.. ..น้ำตาอ้ายย้อย คึดฮอดฮอยความหลัง ฮักอ้ายเฝ้าถืกเขาพัง สิ้นหนทางแก้ไข เอาไม้แป้นปีก เขียนด้วยก้อนขี้ถ่านไฟ ว่ากระท่อมทำใจ ติดเป็นป้ายให้คนอ่าน ..เข้าบ้านบ่ได้ นอนเลี้ยงไก่อยู่ทุ่งนา มื้อวันน้องวิวาห์ ฝากไข่ไก่มาเข้าพาขวัญ จากวันนี้อ้าย สิขอเฮ็ดใจให้เป็นทาน เอาเสียงนกกา ปลอบขวัญ อยู่ในกระท่อมทำใจ..

มอเตอร์ไซค์ล้อเหี้ยน - ศร สินชัย ..มอเตอร์ไซค์ล้อเหี้ยน ทะเบียนบ่ทันได้ต่อ คนขับกะรูปบ่หล่อ สาวใด๋น้อ สิมาซ้อนท้าย ซื้อต่อมือสองดอกครับ พอได้ขับต้อดมาต้อดไป แล่นเข้าในเมืองยามใด๋ กะลี้หลบไป ย้านตำรวจเห็น ..บ่แม่นอ้ายเว้าเล่น สาวเห็นกะแซวเว้าใส่ หมู่เขาออกรถรุ่นใหม่ สาวซ้อนท้าย บ่มีว่างเว้น กะคิดอยากมีนำเขา แต่เงินดาวน์ ยังหาบ่เห็น มอเตอร์ไซค์ มือสองเงินเซ็นต์ ก็เลยยังเป็น พาหนะคู่ใจ ..ขับไป เฮ็ดงานซอกซอน จนตัวอักษร ยี่ห้อรถหลุดหาย สตาร์ทบ่ติดบางครั้ง แต่ก็นำทาง ด้วยความปลอดภัย มีบ่ผู้สาวเห็นใจ บ่รังเกียจ อานเก่ารถอ้าย มานั่งซ้อนท้าย ให้เป็นศิริมงคล ..มอเตอร์ไซค์ล้อเหี้ยน ทะเบียนบ่ทันได้ต่อ ถ้าคนขับมีแรงใจพอ บ่ดนดอกหนอ กะคงก้าวพ้น สิเก็บเงินเปลี่ยนยางใหม่ ทะเบียนต่อได้ ทั้งพรบ.บุคคล รับรองสิบ่ทำหล่น หากมีหน้ามล มานั่งซ้อนท้าย.. ..ขับไป เฮ็ดงานซอกซอน จนตัวอักษร ยี่ห้อรถหลุดหาย สตาร์ทบ่ติดบางครั้ง แต่ก็นำทาง ด้วยความปลอดภัย มีบ่ผู้สาวเห็นใจ บ่รังเกียจ อานเก่ารถอ้าย มานั่งซ้อนท้าย ให้เป็นศิริมงคล ..มอเตอร์ไซค์ล้อเหี้ยน ทะเบียนบ่ทันได้ต่อ ถ้าคนขับมีแรงใจพอ บ่ดนดอกหนอ กะคงก้าวพ้น สิเก็บเงินเปลี่ยนยางใหม่ ทะเบียนต่อได้ ทั้งพรบ.บุคคล รับรองสิบ่ทำหล่น หากมีหน้ามล มานั่งซ้อนท้าย หากมีหน้ามล มานั่งซ้อนท้าย..