มุ้นอุ้ยปุ้ยบันเทิงศิลป์ - ปอยฝ้าย มาลัยพร

..

..พอแต่เปิดผ้ากั้ง
มาแล้วหมอลำน้องใหม่
อย่าพากันฟ้าวสั่นสาดใส่
ซ่อยเป็นแรงใจ
ให้ลูกให้หลาน
ตั้งวงมาสามปี
หัวแต่มื้อนี้ที่ได้รับงาน
ชื่อคณะแฮงเป็นตาย้าน
มุ่นอุ้ยปุ้ยบันเทิงศิลป์พัฒนา

..เล่นมื้อนี้
หัวก่อซ้อมกันมื้อวาน
เรื่องผลงาน
บ่รับประกันดอกหนา
นักดนตรี
กะมีแต่ซุมขี้ยา
หางเครื่องเก็บจากทุ่งนา
ส่วนท่าเต้น
หละตามเวรตามกรรม
ซุมคอนวอย
มีแต่เด็กน้อยนักเลง
ผู้ได๋เก่ง
มะพ้อกันหละหน้าฮ้านหมอลำ
ฝ่ายพระเอก
เมาหล้าตั้งแต่หัวค่ำ
นางเอกเอาลูกมานำ
นอนไกวอู่อยู่หลังเวที

โอ่ยหนอนางน้อนาง
หมอลำนี้หมอลำตั้งใหม่
หมอลำนี่หมอลำตั้งใหม่
เป็นจังใดอดทนเอาเด้อท่าน
อย่าเมือบ้านก่อนเด้อ
ซุมแดนเซอร์
ที่ขึ้นมาโชว์วง
ซุมแดนเซอร์
ที่ขึ้นมาโชว์วง
หุ่นคือโอ่งต่อขา
กะมีผัวเบิดแล้ว
..ด้านเครื่องเสียง
พอปานรถขายน้ำปลา
เร่งจนว่า
แอมป์พังดังพออุ่ม ๆ
ส่วนแสงสี
ยิบยับคือศาลพระภูมิ
สายไฟพันกันลุ่มปุ้ม
ช็อตนักฮ้องดิ้นล้มดิ้นตาย
เบสกีตาร์
สายขาดกะบ่มีเปลี่ยน
แคนกะเพี้ยน
พิณยังบ่ทันตั้งสาย
กลองกะแตก
หางเครื่องกะตกบันได
หัวหน้ายากนำเมียใหญ่
กับเมียน้อย
ต่อยกันหลังฮ้าน
ซุมคอนวอย
ตีกับเด็กน้อยวัยรุ่น
เห็นแต่ฝุ่น
ผู้เฒ่าหอบเอาลูกหลาน
เหลือหมาน้อย
เห่าหอนด้วยความรำคาญ
เจ้าภาพสุดจะทนทาน
เอาเงินมาให้ไล่ขนของเมือ
เอ้าเมือหมอลำเฮาเมือ
เอาไว้งานหน้า
ค่อยมาแก้ตัว
..สุดสิมั่วหมอลำตั้งใหม่
สุดสิมั่วหมอลำตั้งใหม่
งานต่อไปมีคนหาว่าจ้าง
พวกเฮานั่นค่อยลุย
มุ่นอุ้ยปุ้ยบันเทิงศิลป์พัฒนา
มุ่นอุ้ยปุ้ยบันเทิงศิลป์พัฒนา
ปันเงินมาบ่คู่กัน
ตีกันน้ออุ้ยปุ้ย
น้ออุ้ยปุ้ย